25 dekabrda ona qarşı haqsızlıqlara etiraz olaraq özünü yandıran Qarabağ qazısı Zaur Həsənov 28 dekabrda həkimlərin bütün cəhdlərinə rəğmən dünyasını dəyişdi. Onun özünü yandırması, daha sonra isə ölməsi ölkə ictimaiyyətini dərindən sarsıdıb. Bu gün Z. Həsənovun yas məclisinə çoxsaylı insanların toplaması da bunu sübut edir.
Moderator.az xəbər verir ki, Qarabağ qazısı saat 14. 30 radələrində Bibiheybət qəbristanlığında torpağa tapşırılıb. Onun dəfnində minlərlə insan iştirak edib. Mərhumun özündən sonra 5 uşağı qaldı. Onların əksəriyyəti azyaşlıdır.
Allah rəhmət eləsin.
